ठाण्यातील हिरानंदानी शाळेची विद्यार्थिनी सुर्वी बिरवटकर हिचे ICSE मध्ये ९८.२०% गुणांसह घवघवीत यश

 

ठाणे : ICSE Board च्या दहावी (ICSE) परीक्षेत ठाण्यातील Hiranandani Foundation School येथील विद्यार्थिनी सुर्वी संदीप बिरवटकर हिने ९८.२० टक्के गुण मिळवत उल्लेखनीय यश संपादन केले आहे.

सुर्वीने सातत्यपूर्ण अभ्यास, वेळेचे काटेकोर नियोजन आणि शिक्षकांच्या मार्गदर्शनाच्या बळावर हे यश मिळवले. विशेष म्हणजे तिने सर्व विषयांमध्ये उत्कृष्ट गुण मिळवत आपली गुणवत्ता सिद्ध केली आहे. तिच्या या यशामुळे शाळेचा निकालही उज्ज्वल ठरला असून, संपूर्ण शाळा प्रशासनाकडून तिचे विशेष कौतुक करण्यात येत आहे.

सुर्वीच्या यशामुळे तिच्या कुटुंबात आनंदाचे वातावरण असून, नातेवाईक व मित्रपरिवाराकडून तिच्यावर अभिनंदनाचा वर्षाव होत आहे. तिच्या पालकांनी तिच्या मेहनतीचा आणि जिद्दीचा अभिमान व्यक्त केला असून, पुढील शैक्षणिक वाटचालीसाठी तिला शुभेच्छा दिल्या आहेत.

शाळेच्या शिक्षकांनीही सुर्वीच्या यशाचे श्रेय तिच्या प्रामाणिक प्रयत्नांना देत, ती भविष्यात आणखी मोठे यश संपादन करेल, असा विश्वास व्यक्त केला आहे.