टेक्नोहोलिक @ केबीपी कॉलेज : नवोन्मेष आणि तंत्रज्ञानाचा उत्सव संपन्न

 

ठाणे - केबीपी कॉलेजने त्यांच्या वार्षिक टेकइव्हेंट 'टेक्नोहोलिक' चे आयोजन केले.  ज्यामध्ये तरुण नवोन्मेषक आणि तंत्रज्ञानप्रेमींनी उत्साहाने सहभाग घेतला. टेक्नोहोलिक ४.० ने विद्यार्थ्यांना त्यांच्या तांत्रिक कौशल्यांचे आणि नाविन्यपूर्ण प्रकल्पांचे सादरीकरण करण्यासाठी एक व्यासपीठ उपलब्ध करून दिले. यावर्षीचा विषय 'सायबर सुरक्षा आणि डिजिटल सुरक्षितता'  हा होता. ज्यामध्ये डिजिटल जगातील संरक्षणाचे महत्त्व अधोरेखित करण्यात आले. 

टेक्नोहोलिकमध्ये तंत्रज्ञान तज्ञांचे 'टेकटॉक', स्पर्धात्मक 'हॅकाथॉन' आणि विद्यार्थ्यांनी त्यांचे अत्याधुनिक प्रकल्प सादर केलेल्या 'प्रोजेक्ट एक्झिबिशन' यांसारख्या रोमांचक उपक्रमांचा समावेश होता. मुंबईतील विविध महाविद्यालयांमधील ८० हून अधिक संघांनी नाविन्यपूर्ण कल्पना आणि उपाय सादर करून उत्साहाने सहभाग नोंदवला. 

कार्यक्रमाचे उद्घाटन ठाणे पोलीस आयुक्त आशुतोष डुंबरे यांच्या हस्ते झाले. त्यांनी विद्यार्थ्यांना तंत्रज्ञानाच्या क्षेत्रातील नवकल्पनांचे कौतुक करून त्यांना त्यांच्या आवडीचे क्षेत्र पुढे नेण्यासाठी प्रोत्साहन दिले. उद्घाटन भाषणात त्यांनी सायबर सुरक्षा आणि तंत्रज्ञानाच्या नव्या प्रवृत्तींबद्दल मार्गदर्शन केले. डिजिटल जगात सतर्क राहण्याचे महत्त्व त्यांनी स्पष्ट केले तसेच सुरक्षित ऑनलाइन पद्धतींबद्दल विद्यार्थ्यांना माहिती दिली. त्यांच्या विचारांनी तरुण मनांना जबाबदारीने नवोन्मेष करण्याची प्रेरणा दिली. 

राहुल धराशिवकर,  निखिल पोहेकर आणि चिन्मय परब यांनी तंत्रज्ञान, कृत्रिम बुद्धिमत्ता आणि नेटवर्किंगच्या क्षेत्रातील टेकटॉकद्वारे विद्यार्थ्यांना मार्गदर्शन केले. त्यांनी सायबर जागरूकतेची गरज देखील अधोरेखित केली. 

कार्यक्रमाच्या उद्घाटन आणि बक्षीस वितरण समारंभात ठाण्याचे ज्येष्ठ नगरसेवक  मनोहर डुंबरे, प्रोडवेअरचे सीईओश्री. राहुल धराशिवकर,  निखिल पोहेकर,  गणेश मंजारकर, अजीत तांबडे, चिन्मय परब, पांडुरंग रांजाळकर, डॉ. शोभा नायर आणि पी. आय. अतुल जगताप हे उपस्थित होते. 

केबीपी कॉलेजचे अध्यक्ष सचिन मोरे यांनी कार्यक्रमाचे आयोजन करणाऱ्या शिक्षक आणि विद्यार्थ्यांचे अभिनंदन केले. त्यांनी त्यांच्या संघ भावनेचे आणि नवकल्पनांच्या संस्कृतीला प्रोत्साहन देण्याच्या प्रयत्नांचे कौतुक केले. तंत्रज्ञानातील सततच्या प्रगतीशी अपडेट राहण्याचे आणि सातत्याने शिकत राहण्याचे महत्त्व त्यांनी सांगितले. 

कार्यक्रमाची सांगता प्राचार्य संतोष गावडे यांच्या आभार प्रदर्शनाने झाली. त्यांनी प्रमुख पाहुण्यांचे आभार मानले तसेच पुढील वर्षी टेक्नोहोलिकला राष्ट्रीयस्तरावर नेण्याची आणि देशभरातील विद्यार्थ्यांना सहभागी करून घेण्याचा मानस व्यक्त केला.  

 

कार्यक्रमाचे मुख्य आकर्षण बक्षीस समारंभ होता. ज्यामध्ये विजेत्यांना रु.२५,००० ची रोख पारितोषिके आणि ट्रॉफी देऊन सन्मानित करण्यात आले. विद्यार्थ्यांच्या प्रकल्पांनी तांत्रिक कौशल्या सोबतच वास्तव जीवनातील समस्यांचे समाधान देखील मांडले.  ज्यामुळे नव्या पिढीतील तंत्रज्ञानने त्यांच्या क्षमतेची झलक पाहायला मिळाली. 

बी.एससी. आयटी विभागाच्या विभाग प्रमुख विजया राणे, सहायक प्राध्यापक मुस्कान चांदनानी, सहायक प्राध्यापक योगेश राणे आणि सहायक प्राध्यापक संजना भावसार यांनी विद्यार्थ्यांच्या मुख्य कार्यकारिणीच्या टीमसोबत हा कार्यक्रम यशस्वीपणे आयोजित केला. 

कार्यक्रमाची सांगता प्रेरणादायी वातावरणात झाली, ज्यामुळेसहभागी विद्यार्थी तंत्रज्ञानाच्या क्षेत्रातील नवकल्पनांचा शोध घेण्यासाठी आणि सृजनशीलतेचा प्रवास सुरू ठेवण्यासाठी प्रेरित झाले.