अतिसार प्रतिबंधक अभियानांतर्गत जलसुरक्षक यांची कार्यशाळा संपन्न

 

अतिसार प्रतिबंधक अभियानांतर्गत भिवंडी तालुक्यातील सर्व ग्रामपंचायत जलसुरक्षक यांची तालुकास्तरावर कार्यशाळेचे दि. १८ जुलै रोजी आयोजन करण्यात आले होते. कार्यशाळेचे उद्घाटन प्रकल्प संचालक अतुल पारसकर यांच्या शुभहस्ते करण्यात आले. 

कार्यक्रमाच्या अध्यक्षस्थानी पंचायत समितीचे गटविकास अधिकारी डॉ. प्रदीप घोरपडे, कार्यशाळेसाठी शाळेचे प्रमुख मार्गदर्शन करण्यासाठी केमिस्ट विभागीय सह नियंत्रण कक्ष बेलापूर येथील सचिन तारमाळे, पंचायत समिती भिवंडी येथील आरोग्य विभागाचे आरोग्य पर्यवेक्षक दिलीप जाधव उपस्थित होते.  

कार्यशाळेच्या उद्घाटन पर भाषणात अतुल पारसकर यांनी सर्व जलसुरक्षकांना ही मोहीम यशस्वी करण्यासाठी योग्य त्या सूचना दिल्या. यावेळी त्यांनी विविध पाणी नमुने घेण्याच्या चाचण्या आणि गाव स्तरावर जलसुरक्षक यांच्या कर्तव्य जबाबदाऱ्या याबाबत देखील मार्गदर्शन केले. या मोहीम कालावधीत पाणी गुणवत्तेबाबत जास्तीत जास्त गावातील लोकांची जाणीव जागृती करण्याबाबत जलसुरक्षक यांना योग्य त्या सूचना दिल्या.

केमिस्ट विभागीय सनियंत्रण कक्ष बेलापूर सचिन तारमाळे यांनी रासायनिक पाणी नमुने तपासणीच्या सर्व चाचण्या कशा पद्धतीने पूर्ण करावे व जैविक पाणी नमुने चाचण्या कशा पद्धतीने पूर्ण करावे याबाबत सखोल मार्गदर्शन केले. आरोग्य पर्यवेक्षक दिलीप जाधव यांनी गावातील लोकांना स्वच्छ व शुद्ध पिण्याचे पाणी कसे देता येईल याबाबत योग्य ते मार्गदर्शन केले. या कार्यशाळेचा समारोप भिवंडी पंचायत समितीचे विस्तार अधिकारी सुधाकर सोनवणे यांनी केले.