जिल्हा परिषद ठाणे येथे भारतीय प्रजासत्ताक दिन साजरा

भारतीय प्रजासत्ताक दिनाच्या ७५ वा वर्धापन दिन समारंभानिमित्त आज जिल्हा परिषद, ठाणे भवनाच्या आवारात मा. अतिरिक्त मुख्य कार्यकारी अधिकारी डॉ. रुपाली सातपुते यांच्या शुभहस्ते ध्वजारोहणाचा कार्यक्रम संपन्न झाला. सर्व अधिकारी व कर्मचारी यांच्या उपस्थितीत राष्ट्रगीत तसेच प्रजासत्ताक दिनाचा जयघोष करण्यात आला.
 
जिल्हा परिषद कन्या शाळेतील विद्यार्थांनी राज्यगीत व ध्वजगीत सादरीकरण करून वातावरण प्रसन्न केले. तसेच सर्व अधिकारी व कर्मचारी यांनी भारताचे संविधान प्रास्ताविका वाचन केले, राष्ट्रीय तंबाखू नियंत्रण कार्यक्रमाचे तंबाखू मुक्तीची शपथ घेतली. कुष्ठरोग निवारण दिनानिमित्त सामुहिक शपथ घेण्यात आली. मा. अतिरिक्त मुख्य कार्यकारी अधिकारी डॉ. रुपाली सातपुते व प्रकल्प संचालक श्रीम. छायादेवी शिसोदे यांनी सर्व अधिकारी व कर्मचारी वर्गास प्रजासत्ताक दिनाच्या शुभेच्छा दिल्या.

यावेळी प्रकल्प संचालक श्रीम. छायादेवी शिसोदे, उप मुख्य कार्यकारी अधिकारी सामान्य प्रशासन विभाग श्री. अविनाश फडतरे, उप मुख्य कार्यकारी अधिकारी ग्रामपंचायत विभाग श्री. प्रमोद काळे, मुख्य लेखा व वित्त अधिकारी श्री. वैजनाथ बुरुडकर, पाणीपुरवठा व स्वच्छता विभाग प्रमुख श्री. पंडित राठोड, जिल्हा आरोग्य अधिकारी डॉ. गंगाधर परगे, शिक्षणाधिकारी प्राथमिक श्री.भाऊसाहेब कारेकर, कार्यकारी अभियंता श्री. प्रदीप कुलकर्णी, महिला व बाल विकास विभाग प्रमुख श्री. संजय बागुल, बांधकाम विभाग प्रमुख श्री. संदिप चव्हाण, पशुसंवर्धन अधिकारी डॉ. समीर तोडणकर तसेच सर्व अधिकारी व कर्मचारी उपस्थित होते.