दिवा येथील फर्निचरच्या गोडाऊनला आग, सुदैवाने जीवितहानी नाही

 शीळ येथील भट्टी गल्लीत लाकडी फर्निचरच्या गोडाऊनला आग
 अग्निशमन केंद्राच्या जवानांनी आग आटोक्यात आणली
 900 स्क्वेअर फुटाच्या गोडाऊनमधील घटनेत सुदैवाने कोणालाही इजा नाही
 कारण अद्याप अस्पष्ट, पंचनामा सुरू

ठाणे (14 मे): दिवा येथील शीळ परिसरात बुधवारी सकाळी एका लाकडी फर्निचरच्या गोडाऊनला आग लागल्याची घटना घडली. सुदैवाने या घटनेत कोणतीही जीवितहानी झाली नाही.

आपत्ती व्यवस्थापन कक्षाकडे सकाळी 8:10 वाजता मिळालेल्या माहितीनुसार, भट्टी गल्ली, शीळ येथील अबिद खान यांच्या मालकीच्या सुमारे 900 स्क्वेअर फुटाच्या गोडाऊनला आग लागली. या गोडाऊनमध्ये कपाट, प्लायवूड व इतर लाकडी फर्निचरचा साठा होता.

अग्निशमन दल घटनास्थळी

माहिती मिळताच शीळ अग्निशमन केंद्राचे पथक तत्काळ घटनास्थळी दाखल झाले. जवानांनी शर्थीचे प्रयत्न करून आग विझवली. सध्या परिस्थिती पूर्णपणे नियंत्रणात आहे. 

*दुखापत नाही, कारण शोध सुरू*

ठाणे महापालिकेच्या आपत्ती व्यवस्थापन कक्षाने दिलेल्या माहितीनुसार, या आगीत कोणालाही दुखापत झालेली नाही. आगीचे नेमके कारण अद्याप समजू शकलेले नाही. नुकसानीचा पंचनामा केला जात आहे.

#ThaneFire #Diva #TMC #FireBrigade #ShilPhata #GodownFire