'शिंदे काका धावले': मुनावळे गावच्या 8 वर्षीय विराटची विनामूल्य शस्त्रक्रिया, उपमुख्यमंत्री एकनाथ शिंदे ठरले देवदूत

- साताऱ्याच्या चिमुकल्याला जीवदान: नाक-घशातील गाठीमुळे झोपेत श्वास घेणे कठीण झाले होते

- दीड लाखाचा खर्च झेपेना: विराटच्या आई-वडिलांची ऐपत नसल्याने शस्त्रक्रिया रखडली

- शिंदे दरे गावात भेट, तत्काळ फोन: उपमुख्यमंत्र्यांनी ठाण्यातील सिद्धिविनायक रुग्णालयात व्यवस्था केली

- यशस्वी शस्त्रक्रिया*: डॉ. कौस्तुभ मेहता यांनी केली सर्जरी, विराट आता सुखरूप

- "शिंदे काकांनी हसू परत आणलं": भोसले कुटुंबीयांनी मानले आभार

ठाणे (15 मे): "अडल्या-नडलेल्यांचा आधार" अशी ओळख असलेले राज्याचे उपमुख्यमंत्री एकनाथ शिंदे पुन्हा एकदा देवदूत ठरले आहेत. सातारा जिल्ह्यातील मुनावळे गावच्या 8 वर्षीय विराट भोसले या चिमुकल्याच्या नाकावर व घशावर विनामूल्य शस्त्रक्रिया करून त्याला नवे जीवन दिले आहे.

नेमकी काय होती समस्या?

शिंदे यांच्या मूळ गावाशेजारील मुनावळे येथे राहणाऱ्या विराटच्या नाकात आणि घशात जन्मतःच गाठ होती. वय वाढत गेले तशी गाठही वाढत गेली. त्यामुळे रात्री झोपेत श्वास घेणे त्याला कठीण होऊ लागले. साताऱ्यातील आठवले रुग्णालयातील डॉक्टरांनी शस्त्रक्रियाच एकमेव उपाय असल्याचे सांगितले. पण दीड लाखांचा खर्च विराटचे वडील विष्णू भोसले व आई मनिषा भोसले यांना परवडणारा नव्हता. सरकारी योजनेतही हा आजार बसत नसल्याने कुटुंब हतबल झाले होते.

शिंदे काका धावून आले

विष्णू भोसले यांचे नातेवाईक शिंदे दरे गावात विश्रांतीसाठी गेले असता त्यांनी उपमुख्यमंत्री एकनाथ शिंदे यांची भेट घेऊन विराटची व्यथा सांगितली. क्षणाचाही विलंब न करता शिंदे यांनी ठाण्यातील सिद्धिविनायक रुग्णालयाचे संचालक डॉ. अमोल गीते यांना फोन लावला. "मुलगा लहान आहे, त्याला त्रास होऊ देऊ नका. तातडीने शस्त्रक्रिया करा, सर्व खर्च मी करतो," अशा सूचना शिंदे यांनी दिल्या.

यशस्वी शस्त्रक्रिया, हरवलेलं हसू परतलं

विराटला तत्काळ ठाण्यात दाखल करण्यात आले. डॉ. कौस्तुभ मेहता यांनी त्याच्या नाकावर यशस्वी शस्त्रक्रिया केली. काही दिवस डॉक्टरांच्या देखरेखीखाली ठेवल्यानंतर आज विराटला घरी सोडण्यात आले. 

वडील विष्णू भोसले म्हणाले, "डॉ. अमोल गित्ते, डॉ. कौस्तुभ मेहता आणि संपूर्ण टीमचे आभार. पण सगळ्यात जास्त आभार शिंदे काकांचे. आमच्या हाकेला धावून येत त्यांनी आमच्या विराटचं हरवलेलं हसू परत आणलं." 

 #EknathShinde #Thane #Satara #GoodNews #ViralStory #SiddhivinayakHospital #SocialWork #Maharashtra