दिव्यात अंमली पदार्थ विक्रीसाठी आलेला आरोपी पोलिसांच्या जाळयात.*

 

संतोष पडवळ - प्रतिनिधी 

ठाणे, दिवा - नोव्हें : 28.11.2024 रोजी गुप्त बातमीदारा द्वारे माहिती मिळाली की एक इसम अमली पदार्थ विक्री करण्याकरता दिवा परिसरात येत असल्याची खबर मिळाली असता सदरच्या माहीतच्या अनुषंगाने मुंब्रा पोलीस ठाणेचे वरिष्ठ पोलीस निरीक्षक अनिल शिंदे यांच्या मार्गदर्शनाखाली पो नि पाचोरकर तसेच दिवा तपास पथकाचे सपोनि तोरडमल, सपोनि कोळेकर, पो ना किशोर वैरागकर, पो शि. गायकवाड, पो शि जाधव, पो शि तडवी, पो शि सातपुते यांना कारवाई करण्यास आदेशित करण्यात आले होते. त्या अनुषंगाने सदरचे पथक दिवा परिसरात सापळा रचला असताना दिनांक 29.11. 2024 रोजी 01.55 वा च्या सुमारास गणेश तलाव जवळ गणेश नगर, आगासन रोड, दिवा पुर्व येथे एक संशयित इसम संशयित रित्या फिरत असताना मिळून आला असता त्या ताब्यात घेऊन त्याची अंगझडती घेतली असता त्याच्याजवळ अंदाजे 54 ग्रॅम वजनाची किंमत एक लाख 35 हजारांची एम डी पावडर मिळून आली.

 सदर आरोपीस ताब्यात घेऊन तपासाअंती त्याचे नाव सुरज रामविलास शर्मा वय 34 वर्ष रा. सिद्धिविनायक गेट जवळ, दिवा पुर्व ठाणे असे समजले त्याच्या विरोधात एनडीपीएस 1985 कलम 8 (क), 22(क) प्रमाणे गुन्हा दाखल करण्यात आला असून त्यास नमूद करण्यात आले आहे. अटक आरोपीस मा. न्यायालया समक्ष हजर करून पोलीस कोठडी देऊन गुन्ह्याचा पुढील तपास सपोनि तोरडमल हे करत आहे.