ठाण्यातील गावदेवी भाजी मार्केटला भीषण आग: 2 जणांचा मृत्यू, 2 अग्निशमन अधिकारी जखमी, शर्थीचे प्रयत्न सुरू

 - 2 जखमी*: स्थानक अधिकारी सुजित पष्टे (45) व तांडेल समीर जाधव (40) - कळवा रुग्णालयात उपचार सुरू

- रेस्क्यू ऑपरेशन: 5 फायर वाहने, 3 जम्बो टँकर, 4 रेस्क्यू व्हॅन, TDRF, आपत्ती व्यवस्थापन पथक घटनास्थळी

- वरिष्ठ अधिकारी उपस्थित: अतिरिक्त आयुक्त, उप आयुक्त, मुख्य अग्निशमन अधिकारी

ठाणे (21 मे): नौपाडा येथील गावदेवी भाजी मार्केटमध्ये पहाटे 3:43 च्या सुमारास भीषण आग लागली. या दुर्घटनेत ठाणे महापालिकेचे 2 कर्मचारी मयत झाले असून 2 अग्निशमन अधिकारी जखमी झाले आहेत. आग विझवण्याचे शर्थीचे प्रयत्न सुरू आहेत.

मयत:

1.  काळू शंकर गाडेकर (पुरुष, वय 53) - ठामपा आरक्षक

2.  सागर शिंदे (पुरुष, वय 43) - ठामपा अग्निशमन केंद्र, स्थानक अधिकारी

जखमी:

1.  सुजित पष्टे (पुरुष, वय 45) - ठामपा अग्निशमन केंद्र, स्थानक अधिकारी 

2.  समीर जाधव* (पुरुष, वय 40) - ठामपा अग्निशमन केंद्र, तांडेल

दोन्ही जखमींवर छत्रपती शिवाजी महाराज रुग्णालय, कळवा येथे उपचार सुरू आहेत.

घटनास्थळी मोठी यंत्रणा:

नगरसेवक संजय वाघुले यांनी माहिती दिल्यानंतर आपत्ती व्यवस्थापन कक्षाने तत्काळ प्रतिसाद दिला. अतिरिक्त आयुक्त श्री. रोडे, उप आयुक्त जी.जी. गोदेपुरे, दिनेश तायडे, मिताली साने, मुख्य अग्निशमन अधिकारी झळके घटनास्थळी दाखल झाले.

आग विझवण्यासाठी 5 फायर वाहने, 3 जम्बो वॉटर टँकर, 2 वॉटर टँकर, 4 रेस्क्यू वाहने, ठाणे आपत्ती प्रतिसाद दल, 3 ठामपा रुग्णवाहिका, 108 रुग्णवाहिका व खाजगी टँकर तैनात करण्यात आले आहेत.

आगीचे कारण अस्पष्ट

पहाटेच्या सुमारास मार्केटमध्ये आग कशी लागली याचे कारण अद्याप स्पष्ट झालेले नाही. अग्निशमन दलाचे जवान, आपत्ती व्यवस्थापन कक्षाचे कर्मचारी व TDRF चे जवान आग आटोक्यात आणण्यासाठी शर्थीचे प्रयत्न करत आहेत.

*Tags:* #ThaneFire #NaupadaFire #GavdeviMarket #FireBrigade #TMCFire #ThaneNews #Breaking #SagarShinde #KaluGadekar

--